ലഹരിമരുന്ന് മൊത്ത വിൽപനക്കാരൻ 3 ലക്ഷത്തോളം രൂപയുടെ എംഡിഎംഎയുമായി പൊലീസ് പിടിയിലായി. താമരശ്ശേരി കോരങ്ങാട് കേളൻമാർകണ്ടി വീട്ടിൽ മാമു എന്ന മുഹമ്മദ് ഷബീർ (28) ആണ് വീട്ടിൽ സൂക്ഷിച്ച 92.85 ഗ്രാം എംഡിഎംഎയു മായി പൊലീസ് പിടിയിലായത്. കോഴിക്കോട് റൂറൽ ജില്ലാ പൊലീസ് മേധാവി നിധിൻ രാജ് പി IPS ൻ്റെ നേതൃത്വത്തിലുള്ള അന്വേഷണ സംഘം പ്രതിയുടെ വീട്ടിലെ കിടപ്പുമുറിയിൽ നിന്നാണ് എംഡിഎംഎ കണ്ടെടുത്തത്. ബെംഗളുരു, ഡൽഹി എന്നിവിടങ്ങളിൽ നിന്ന് കാരിയർമാർ മുഖേന എത്തിക്കുന്ന ലഹരി മരുന്ന് വിൽപന നടത്തുന്ന സംഘത്തിലെ പ്രധാന കണ്ണിയാണ് പ്രതി. നാ‍ര്‍കോട്ടിക്ക് സെൽ ഡി വൈഎസ്‌പി പ്രകാശൻ പടന്നയിൽ, താമരശ്ശേരി ഡിവൈ എസ്‌പി എ.പി. ചന്ദ്രൻ എന്നിവ രുടെ നിർദേശ പ്രകാരം താമരശ്ശേരി എസ്ഐ ആർ.സി.ബിജു, സ്പെഷൽ സ്ക്വാഡ് എസ്ഐ മാരായ രാജീവ് ബാബു, ബിജു പൂ ക്കോട്ട്, എഎസ്ഐ ഇ.കെ.മുനീർ, എസ്‌.സി.പി.ഒ മാരായ ജയരാജൻ പനങ്ങാട്, ജിനീഷ് ബാലുശ്ശേരി, എം.മുജീബ്, ലിനീഷ് വാകയാട്, എം.പി.സിൽജിത, കെ.രാഗേഷ്, സൈബർ സെൽ അംഗങ്ങളായ എഎസ്ഐ കെ.ശ്രീജിത്ത്, എസ് .സി.പി.ഒ ടി.ഡി.റിജേഷ് എന്നിവരടങ്ങിയ സംഘമാണ് പ്രതിയെ പിടി കൂടിയത്.