സൈബർ തട്ടിപ്പുകാർക്ക് ഇടനിലക്കാരനായി പ്രവർത്തിച്ച പ്രധാന പ്രതി ഉൾപ്പെടെ 8 യുവാക്കൾ അറസ്റ്റിൽ. കൊടുവള്ളി വാവാട് സ്വദേശി മുഹമ്മദ് ജാസിം എന്ന യുവാവിനെയാണ് കോഴിക്കോട് റൂറൽ സൈബർ ക്രൈം ഇൻസ്പെക്ടർ രാജേഷ് കുമാറും സംഘവും അറസ്റ്റ് ചെയ്തത് . വ്യാജ ട്രേഡിംങ് തട്ടിപ്പിലൂടെ കൊയിലാണ്ടി സ്വദേശിനിയുടെ 23 ലക്ഷം രൂപ നഷ്ടപ്പെട്ട കേസിലും ലോൺ ആപ്പ് തട്ടിപ്പിലൂടെ പെരുവണ്ണാമൂഴി സ്വദേശിയുടെ 95000 രൂപ നഷ്ടപ്പെട്ട കേസിലും നടത്തിയ അന്വേഷണത്തിലൂടെയാണ് പ്രതി അറസ്റ്റിൽ ആയത് പരാതിക്കാരുടെ നഷ്ടപ്പെട്ട പണം എത്തിയ അക്കൗണ്ടുകൾ കേന്ദ്രീകരിച്ച് നടത്തിയ അന്വേഷണത്തിൽ തിരൂർ സ്വദേശിയായ റിസ്വാൻ കോഴിക്കോട് പെരുവയൽ സ്വദേശിയായ ആദിൽ ഫിനാസ് എന്നിവരെ നേരത്തെ അറസ്റ്റ് ചെയ്തിരുന്നു ഇവരെ വിശദ്ധമായി ചോദ്യം ചെയ്തപ്പോഴാണ് അക്കൗണ്ടുകളും എ.ടി.എം കാർഡും മുക്കം സ്വദേശിയായ ഷാമിൽ റോഷൻ കൈമാറിയതായും ഇങ്ങനെ ലഭിക്കുന്ന തുക പിൻവലിക്കുന്നത് ഷാമിൽ റോഷൻ ആണെന്ന് കണ്ടെത്തിയത്. പിന്നീട് ഷാമിൽ റോഷനെ അറസ്റ്റ് ചെയ്തു വിശദമായി ചോദ്യം ചെയ്തപ്പോഴാണ് താൻ പിൻവലിക്കുന്ന പണം നേരിട്ടും കറൻസി ആക്കിയും മറ്റും മുഹമ്മദ് ജാസിംനാണ് കൈമാറിയിരുന്നതെന്നും മുഹമ്മദ് ജാസിം ഈ ക്രിപ്റ്റോ കറൻസി കൂടിയ വിലയ്ക്ക് ചൈനീസ് സൈബർ തട്ടിപ്പുകാർക്ക് ഫിനാൻസ് എക്സ്ചേഞ്ചിലൂടെ നൽകിക്കൊണ്ടിരുന്നതായും കണ്ടെത്തിയത് എറണാകുളത്ത് ഒളിവിൽ ആയിരുന്ന പ്രതിയെ സൈബർ ക്രൈം പോലീസ് സംഘം സാഹസികമായാണ് പിടികൂടിയത്. ആദിൽ ഷിനാസ്, മുഹമ്മദ് ഷാനിഫ് , ഷാമിൽ റോഷൻ, വൈശാഖ്, റിസ്വാൻ അഹമ്മദ്, സംഗീത് ചന്ദ്രൻ, മുഹമ്മദ് ജനീസ്, ജാസിം എന്നിവരാണ് ഇതുവരെ അറസ്റ്റിലായിട്ടുള്ളത്. അന്വേഷണ സംഘത്തിൽ എസ്.ഐ ടിബി ഷൈജു ,SCPO മാരായ ഷമീർ, അജേഷ് , CPO മാരായ ശരത് ചന്ദ്രൻ, ദീപക് സുന്ദരൻ എന്നിവരും ഉണ്ടായിരുന്നു